【試用】齊來清潔 ● 四種品牌 之 磨砂產品 ♥ ♥

今次幫 COSMOPOLITAN 試左四種不同品牌既磨沙產品。
屬於乾性皮膚、敏感肌膚。

● Laneige 鮮莓精華軟膚磨砂啫喱 Hk$190/120ml
● Neutrogena 深層淨化活顔柔珠洗面乳 HK$69.9/100g
● Thebodyshop 維他命E輕柔磨砂膏 HK$169/75 ml
● Origins Modern Friction 白米煥膚霜 HK$390/125ml

Thebodyshop 維他命E輕柔磨砂膏 HK$169/75 ml
使用方法：
以清水沾濕面部及頸部，用指尖打圈作按摩後拍乾，每星期使用一至兩次。

輕香，可以見到細既紅色微粒磨砂，於面上按摩時不會有刺刺感覺，舒服的。
由於磨砂很幼細，不用怕傷皮膚，使用後感覺皮膚彈性左，而且好保濕，但磨砂既效力唔算很強。


Neutrogena 深層淨化活顔柔珠洗面乳　HK$69.9/100g
使用方法：
擠適量於掌心，加水揉出細沬後，塗抹於濕潤的臉，輕輕按摩片刻並以清水充分沖洗。

好香，洗面乳入面有大磨砂粒，亦有大量精華微粒，由於兩隻磨沙都係滑身既，所以不會有刺刺感覺。使用後鼻頭位明顯清潔左，但皮膚有點繃緊及乾。


Laneige 鮮莓精華軟膚磨砂啫喱 Hk$190/120ml
使用方法：
以清水沾濕面，輕輕按摩約30秒並以清水充分沖洗。

成份有五種果莓，所以係超香。擠出黎唔會特別見到磨砂粒，但當你按按下，會感覺到一粒粒既野出現，性質好溫和唔怕敏感，用完塊面唔乾而且滑左。


Origins Modern Friction 白米煥膚霜 HK$390/125ml
使用方法：
有別一般磨砂方法，要厚厚塗一層，然後輕輕按，用吸力將污漕吸出。

不是香味，是有點奇怪的味。煥膚霜比較"傑"身，似漿，肉眼見唔到磨砂粒。按面既時間明顯感覺到一大粒，但沒有刺刺感覺。使用後明顯皮膚是白滑，但超乾唔保濕，一定要另外自己做保濕護理。雖然覺得清潔度不錯，但唔夠滋潤。


Neutrogena個枝七十蚊的確可以試試，而四個產品入面，本人較為喜歡Laneige，性質溫和，價錢接受到。